Diamars 27 di februari 2018 staff y personal di Aruba Marriott tabata hopi contento y honra pa tabata tin e oportunidad pa yama bon bini y alaves tin como huesped artista local Jeon na hotel, como reconocimento pa su platinum record hit internacional ‘Machika’.
Un recepcion di bon bini a tuma lugar na entrada di lobby na Aruba Marriott Resort & Stellaris Casino unda Joerg Delin – Complex Director of Food & Beverage, Ben Figaroa – Casino General Manager y Stacey Banfield – Marketing Communications Manager hunto cu e staff y personal di e compleho a uni hunto pa asina duna Jeon y su famia un caluroso bon bini, tambe tabata tin un welcome cocktail special prepara pa nan y sin laga afo hopi entusiasmo. E sentimento di gran aprecio pa Jeon a wordo sinti asina cu e la tuma su prome paso pafo di e limousine hunto cu e sentimento di orguyo entre e asociadonan kendenan a brasa Jeon cu hopi orguyo y a felicite pa su exito.
Reconociendo y sosteniendo artista local Jeon pa su logro internacional y alaves gradicie pa su esfuerso pa promove su isla di Aruba internacionalmente ta parti di Aruba Marriott su esfuersonan pa hasi un impacto positivo dentro di e comunidad di Aruba.
Aruba Marriott ta felicita Jeon cu su prome platinum record hit internacional y ta desea Jeon un futuro ainda mas exitoso.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 411 camber cu balcon priva cu bista pa e pool relajante y tambe pa e awa nan blauw di lama. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.
