Aruba Lions Club ta den full swing cu su preparacionnan pa nan Bingo di Fin di aña, cual lo tuma luga dia 23 di November, den Club Caiquetio.
Ivan Croes, presidente di Aruba Lions Club a conta cu aña pasa nan tabata tin un bingo cual nan a purba pa prome biaha, cual tabata un exito rotundo. Pueblo a sostene Lions masalmente y a cuminsa pidi pa bingo. Ta hopi premio tabata tin riba e anochi aki.
A dicidi pa organisa esaki, mirando cu esaki ta e miho regalo di pasco pa bin cun’e, pa habri aña cu placa cash.
Diferente actividad
Aruba Lions Club no tin off season. Nan ta un club di servicio cu ta draai full aña. Nan tin diferente proyecto entre Hospital y Wheelchair. Esey ta encera cu nan tin camanan di hospital y den pasado for di otro fundacionnan tambe. Lions ta yuda comunidad, mirando cu hopi biaha un pashent cu sali for di hospital, e mester di un cama special cu e por move riba dje. Den e caso aki, tin un container cu basta cama y rolstoel. Den e caso aki, ora haci un peticion, tin den e caso aki Fellow Bibi Arends, cu ta na cabes di e proyecto, ta haci su assessment wak kico tur mester, y den e caso aki, e persona ta haya un cama, cual ta yuda den e caso aki.
Tambe Lions tin e Smilemobile, cual ta hopi bon hinca den otro. El a cuminsa como un proyecto simpel. Tabata un ambulance bieu cual nan a transform’e den un lab. Tin dos Fellow cual ta Igor y Magali, cual ta pasa na e casnan di SABA, unda nan ta pasa tres biaha pa aña, haciendo e dentadura di e grandinan.
Ultimo biaha cu Croes a bay rond cu nan, e por a presencia cu dentaduranan tabata gescheur. Na e sitio, nan ta drecha e djente, haci’e limpi y den menos di 3 ora, e pashentnan tin nan djentenan bek, pa asina na por sigui come.
Tambe nan tin e proyecto cu a cuminsa e aña aki na maart, cual ta e Aruba Lions Club band. El a cuminsa como un wega y a transforma den algo serio. Nan a hasta bay presenta na Orlando cu e banda den e convencion di Lions. Nan ta un grupo di musico, den e caso aki cu ta forma parti di diferente banda y a bin hunto como Lions. E banda ta consisti solamente di Leonnan.
Loke nan ta haci, ta pasa atrobe na e casnan di nos grandinan y ta deleita nan cu musica. Pa mira e hendenan aki lanta y balia, ta yenabo cu orguyo. Nan ta djis un grupo di voluntario y no ta cobra nada. Pa haya un smile riba nan cara, ta lagabo sinti hopi bon.
Mas proyecto
Tambe nan tin vision spot machine. Dos siman pasa, a pasa na diferente scol na Aruba, screen e mucha nan wowo, y den menos di cinco seconde e mucha ta haya sa si e tin problema cu su bista of no. Ta keda na e mayornan pa hib’e na dokter di wowo.
Finalmente nan a haci algo cu ta hopi importante, cual ta e problema di diabetes na Aruba. Lions, den e caso aki a manda pidi un certificacion, caminda cu cada miembro Leon, por haci testnan den caso di sucu y ta wordo combina den Health Fairnan cu lo ta anuncia mas den siman tambe, Croes a menciona.
Bingo
Segun Gerardo Figaroa, secretario di Aruba Lions Club, tin mas cu 6 mil florin na premio y e ultimo wega ta 2500 florin. Pero si bo canta bingo prome cu e di 50 yamada, bo ta haya 3 mil florin. Nos tur lo kier un tiki cen pa fin di aña.
Lo bay tin mas premio durante e anochi aki, y fuera di esey bar y cushina lo ta hopi bon surti. Prijs pa ticket ta 15 florin y nan ta obtenibel cerca miembronan di Aruba Lions Club, na tur Citgo Stations y tambe via Facebook Messenger, si pidi, ta entrega esaki.
Figaroa a splica cu e registracion ta cuminsa for di 4’or di atardi na Club Caiquetio, caminda cu por cumpra ticket si resta. Ta cuminsa 8’or di anochi y ta bay te cu 11’or.
