Aruba Lions Club: Kick off of di campaña pa check wowo cu Spot Vision

Ne momento cu Aruba Lions Club a forma parti di Distrito 35N, cu ta consisti desde 1 di juli 2018 di Florida, Bahamas, Aruba, Bonaire y Curacao mas y mas informacion y expereiencia ta ser acumula. Ta asina cu Lions Club International Foundation a bay deacuerdo pa haci un donacion na Aruba den un forma di un Spot Vison machine. Esaki ta un machine masha moderno mes cu den un par di seconde ta screen e wowo y mes ora ta duna e resultado di e screening.

For di dialuna 9 di September, Aruba Lions Club cu concentimento di SKOA a cuminsa na diferente scol rond Aruba ta test di wowo di e alumno nan. E prome dos scolnan cu a ser bishita ta Colegio Cristo Rey n Brazil y St. Franciscus College na Madiki. Den menos di 3 tres ora por a test tur e muchanan y tambe e docente nan tambe no por a keda atras. E campña mes ta termina diabierne 13 di September y lo sigui despues riba un otro fecha cu otro scolnan.

En entre e dos scol nan un total di 315 a hasi e test di cual un promedio di 19% di e total a ricibi un referencia cu nan tin nececidad di un bril. Un mucha cu no ta mira bon nunca, lo por funciona completamente. Tur e informacion aki a ser pasa na e cabesante kende na su turno lo pase pa e dokter di scol kende despues di haci tur e otro examincion nan lo manda e mayornan e recomendacion nan necesario y e paso nan cu nan lo mester di tuma pa purba laga e mucha funciona mihor y hisa su calidad di bida.

Aruba Lions Club ta gradici e PDG nan esta, sra. Diana Castillo y Sr. Martin Murphy kenden a viaha bin Aruba pa entrega di e machine y ta participa activamente, un siman largo ta screen e muchanan na scol. E otro scolnan cu ta sigui ta Colegio Santa Famia na Pos Chikito, Fatima College na Dakota y Colegio Ora Ubao na Tanki Leendert. Ta gradici e cabestaenan mr. Jani Stamper y Juffrouw Nadine Kirindongo cu nan respectivo personal pa nan tremendo coperacion. Ta e intencion tambe pa depues publico en general hasi e test aki na e clubhuis di Aruba Lions Club gratuitamente.