Aruba Karate Cup a cuminsa diabierna den Renaissance Convention Center y cu tin un duracion di dos dia, contando cu participacion di atletanan internacional.
Aldrich Boekhoudt, organisado, a splica cu e intencion di e Copa aki ta pa eleva e nivel di karate na Aruba. Karate na Aruba no ta activo pa hopi tempo door cu no tin suficiente competencia. E tabata un esfuerso di hopi luna di trabou, cu varios obstaculo na caminda pero a logra yega na e apertura.
E intencion ta cu Copa aki ta bira algo anual den luna di october. Organisadonan kier pa den futuro e Copa aki keda reconoci pa World Karate Federation, pa permiti karatekanan internacional participa y gana punto.
Diabierna den oranan di atardi tin seminario pa e atletanan den e ramo aki, mientras cu diasabra tin e peleanan di karate ta cuminsa, y cu su entrada ta completamente gratis. E evento aki, contrario cu sa tuma luga den gymzaal, awo ta tuma luga den Renaissance Convention na Playa.