Aruba Huis celebrando 35 aña di existencia

Minister Plenipotenciario di Aruba na Hulanda, Guilfred Besaril a celebra 35 aña di existencia di Cas di Aruba hunto cu e empleadonan. A inaugura Aruba Huis desde aña 1983 caba, e tempo ey como Eilandgebied Aruba, adelantando riba Status Aparte.

Na un principio a yam’e “Bureau van de Vertegenwoording” pero den boca di pueblo tur hende tabata yam’e Aruba Huis. Sinembargo, despues di introduccion di Status Aparte dia 1 di januari 1986 y cu Aruba a los di Antias Hulandes, e nomber oficial di e oficina a bira “Kabinet van de Gevolmachtigde Minister”.

Na ocasion di e di 7 lustro di e oficina, a revela un lista di potretnan di e fotografo Nico van der Ven, tempo cu a habri e oficina na aña 1983, dor di lider di MEP e tempo aya, defunto Betico Croes. Prome Minister Evelyn Wever a felicita Aruba Huis pa e celebracion aki, via un mensahe di video graba na Aruba mes.