Aruba Huis: Arubadag posponi sperando otro fecha pa motibo di corona virus

881

For di Hulanda a drenta informacion oficial diabierna merdia di cancelacion di celebracion di Arubadag. Den un discurso dirigi na tur media na Aruba, Minister Plenipotenciario Guilfred Besaril a duna motibo/circunstancia cu a pone organisado y Gobierno tuma un decision asina drastico.

“Mirando e hecho cu informe a drenta di un prome caso lamentabel di morto a causa di e enfermedad Coronavirus” ta locual cu Minister Besaril a habri su discurso cune. Cu palabranan di sincero condolencia na famia di e defunto a sigui elabora riba e informacion.

Pa locual ta trata e situacion, ya pa basta dia caba tabata monitoria tur cos pero e ultimo tres dianan e casonan detecta na Hulanda a triplifica y en bista di e informacion ricibi di autoridadnan competente di Gobierno Hulandes di awe mainta hunto cu Conseho di Minister na Aruba a drenta den reunion pa delibera kico ta futuro inmediato pa Arubadag 2020.

”Amigo y amiganan, e tabata un descicion caminda Gobierno di Aruba y Minister Plenipotenciario tabata hopi consciente di e responsabilidad social pa tanto esunnan cu ta bishita e evento ( riba 6 mil hende) como tambe e responsabilidad pa e artistanan como tambe tur esunnan cu ta contribui pa e espectaculo ta un exito”, ta locual Minister Besaril a declara.

Responsabilidad na tur esunnan cu bishita e evento por regresa nan cas bek den perfecto estado di salud. Mirando cu esey ta algo cu den e cargo di Minister Plenipotenciario e no por garantisa, a yega na e desicion aki. Un desaroyo alarmante cu a cuminsa afecta mundo di aviacion, hoteleria y Horeca na Hulanda. Un realidad cu ta biba minuut pa minuut y di cual ta monitoria constantemente prome cu yega na un desicion.

Mirando e prome caso di morto a rais di e virus pero tambe con e la desaroya su mes no ta haya cu ta responsabel pa ehecuta un evento di cual lo tin mas di 6 mil bishitante presente.

Arubadag ta cancela

Minister Plenipotenciario na Hulanda, Guilfred Besaril a anuncia cu a cancela celebracion di Arubadag debi na Coronavirus.

Posted by 24ora on Friday, March 6, 2020

Un decision dificil pa informa cu ta pospone Arubadag cu mester a tuma luga dia 29 di maart proximo, pa un otro fecha na momento cu autoridadnan competente duna indicacion cu ta sigur pa por aglomera un cantidad di hende asina grandi.

Minister Plenipotenciario Guillfred Besaril ta pidi comprencion pa e desicion tuma, pa e pueblo sa cu di curason ta desea cu ohala Coronavirus no tabata existi, cu nos no tabata den un situacion manera cu nos ta awo aki na Europa, ohala lo tabata diferente.

Na e momentonan aki, como Gobierno responsabel, como Gobernante cu a priminti di pone e bienestar di nos comunidad na prome luga y despues lo mira na ki manera lo celebra e orguyo di ta Rubiano, cu un desicion asina dificil pa pospone.

Mientrastanto a drenta den combersacion caba cu diferente partner, manera KLM y hotelnan pa y proximo cu e venue Ahoy pa un otro fecha. Tur esaki na momento cu Coronavirus ta bou di control tanto na Hulanda como Europa sigur lo fiha esaki pa asina e celebracion continua.

Na e momento aki ta haya responsabel pa bisa “Amigonan awor aki no, e lo tuma luga despues”

Minister Plenipotenciario ta spera di pronto por ta dilanti camara pa anuncia un fecha nobo pa e celebracion cu lo continua pero na un momento mas propicio ora caba di pasa den e ola cu yama Coronavirus.