Dia 11 y 17 di December, a haci dos accion, hunto cu diferente departamento, pa controla taxistanan na diferente punto. Durante e dos accionnan aki a controla un total di 98 taxi. Mayoria tabatin nan documentonan como debe ser. Tambe a controla riba e protocol di higiena y con ta aplic’e den practica.
E accion a resulta exitoso, mirando e dedicacion di e taxistanan pa tin tur cos na ordo pero tambe pa por mira e dedicacion y ehecucion di protocolnan pa por limita transmision di e virus bou nan mes, nan famia y e bishitantenan.
Taxistanan cu a ricibi un email informando cu nan a haya e seyo di oro, lo por busc’e dialuna awo dia 21 di december entre 10:00am- 4:00pm, na oficina di Aruba Tourism Authority na L.G. Smith Boulevard # 8. E email aki por a bay den junkmail of spam, ta encurasha pa check bon. E siguiente oportunidad pa pasa busca e seyo di oro lo ta dia 5 di januari entre 10:00am – 4:00pm.
Un danki ta bay na tur taxista cu ta brindando nan servicio, pa continua di haci esaki teniendo cuenta cu e protocol di higiena.
