Diahuebs ultimo a tuma lugar na Universidad di Aruba e prome workshop organisa dor di CEDE Aruba conhuntamente cu Oranje Fonds pa tur organisacion social cu lo participa cu ARUBA DOET 2018.
ARUBA DOET ta e evento boluntario mas grandi na Aruba organisa pa CEDE Aruba hunto cu Oranje Fonds. Un di e metanan principal di ARUBA DOET 2018 ta pa duna extra sosten na e organisacionnan social cu lo participa cu e edicion aki. Sosten den forma di yuda e organisacionnan social cu planificacion y ehecucion di nan proyecto, busca partnernan cu ta duna un extra descuento riba nan servicio of productonan, y tambe den e forma di workshop. Esaki pa duna tur organisacion e hermentnan necesario pa organisa un proyecto exitoso.
E prome workshop cu a wordo organisa tawata Social Media. Esaki a wordo duna dor di Diederik Kemmerling y Zarianni Larmonie di The Lab Digital Marketing diahuebs ultimo. Durante e workshop esnan presente a haya diferente tips y siña con pa mercadia nan organisacion riba Medionan Social, con pa promove nan proyecto y haci uzo optimalmente di e plataformanan aki.
E siguiente workshopnan pa ARUBA DOET 2018 ta “Budgeting” y “Event Management”. Si bo organisacion ta bai participa cu ARUBA DOET 2018 inscirbi pa e workshopnan aki riba www.eventbrite.com, cuponan ta limita.
Pa mas informacion tocante ARUBA DOET 2018 por bishita e website di ARUBA DOET www.arubadoet.com of sigui nos riba Facebook. Tambe por tuma contacto cu e team di ARUBA DOET na 582-7666 of 568-6984 of manda un e-mail na [email protected]

Comments

comments