Aruba den Codigo Cora: Ta activa shelter in place

Gobierno a yama un rueda di prensa urgente pa asina duna mas informacion di e situacion di tropical wave. Cu esaki e prome minister a informa cu Aruba ta den codigo cora.

Pa esaki a dicidi adelanta cu scol ta cera pa dos dia, esta diahuebs y diabierna, mirando cu ya ta na final di aña escolar. Tambe prome minister, Evelyn Wever-Croes, a indica pa 12’or di merdia ya caba e departamentonan gubernamental como trabounan no esencial ta cera. Pa 2’or di atardi tur luga esencial ta cera, mientras cu pa 3’or di atardi transporte publico ta stop di core.


Pa loke ta e sector di horeca, den consulta cu e doño di trabou, e trahadonan si mester acudi na pia di trabou. Pa 6’or di atardi tin shelter in place, pero no tin un toque de queda pasobra tin esunnan cu si mester yega pia di trabou. E mandatario a pidi pa tur hende keda pendiente pa mas informacion.

Ultimo updaet riba situacion di mal tempo

Noticia actualisa: Gobierno ta cla pa yegada di mal tempo. Ta pidi pa laga trahadonan bay cas 12:00 pm awe. Shelter in place ta drenta na vigor awe tardi 6:00 pm te cu mañan mainta 6:00 am.

Posted by 24ora on Wednesday, June 29, 2022

DOW di su banda a indica cu tin caminda ta premira lo tin inundacion, manera un parti di Watty Vos Boulevard, Weststraat entre otro.
E codigo cora ta keda vigente te cu diahuebs merdia, pero lo sigui monitor e situacion.