Aruba cla pa evento mundial di competencia di poker diahuebs

Pa Prome biaha aki na Aruba y na The Casino di Aruba Hilton Resort e World Series of Poker Circuit Event Aruba.

Un evento cu a logra haya aki na Aruba danki na e participacion di sponsernan manera Bacardi, Tequila Patron, Balashi, Chill y The Casino.  Jaromir Petronilia, Sales & Marketing Manager di The Casino, a splica cu a logra haya e evento aki na Aruba cu cooperacion di e organisacion di Las Vegas cu ta World Series Poker cu ta esun mas grandi na mundo.

E participantenan den e evento ta un mix di hungadonan local y internacional. Nan ta hopi contento di a logra haya un cantidad grandi di hungadonan internacional profesional di poker pa e competencia cu tin un premio di 250 mil dollar cu a wordo garantisa door di The Casino y Island Gaming N.V. Ta prome biaha cu un evento di e magnitud aki a yega Aruba. E ta un evento cu e bishitantenan na Aruba por probecha pa participa of presencia mientras cu nan ta aki na Aruba. E tipo di bishitantenan akio ta inverti hopi den economia y turismo.

Aruba cla pa evento mundial di competencia di poker diahuebs

Aruba cla pa evento mundial di competencia di poker diahuebs. Click e link pa mas https://24ora.tv/2KFaVND

Posted by 24ora on Wednesday, November 20, 2019

A cuminsa dia 14 di november y ta finalisa dia 24 di november. Diahuebs ta cuminsa e evento principal. Tin entre 3 pa 4 evento pa dia. E entrada den e eventonan chikito ta costa rond di 300 dollar y esun di e evento principal ta 1700 dollar. Ora cu e evento a cuminsa tabata varia di entre 75 pa 100 participante. Dialuna ultimo, por ehempel, a cuminsa surpasa 100 participante y diamars e tabata 140 participante. Mayoria di e hungadonan a cuminsa yega e siman aki, pa e evento principal. Tin casi 50 participante local den e competencia. Ainda tin chens pa inscribi. Pero tin eventonan mas chikito cu ta cuminsa merdia 12’or pa 60 dollar y si bo gana, tin chens pa pasa na e eventonan mas grandi. Tur esnan por inscribi den ballroom di Hilton of den e casino, na e poker room.

For di uni a bin ta preparando pa e evento aki, a bishita un evento mundial na Las Vegas, unda cu a combersa cu e hungadonan y a cuminsa cu e promocion. Hopi hungado a reserva for di e momento ey caba. “Pa e prome biaha, nos a logra nos meta, cu un reaccion hopi grandi. E ta un exito total.  Poker ta un sports cu ta un trend den mundo di hobennan. Y esey ta mira den e participantenan tambe.”

Tambe tin LIVE Streaming di e evento cu ta “on” tur dia na e Facebook page @thecasinoaruba.com