Awe mainta un grupo di coredo di distancia largo a sali rumbo pa Las Vegas, Nevada, pa participa den e Rock ‘N Roll Las Vegas Marathon dia 10 y 11 di November. E distancia di dia 10 di November lo ta di 5 kilometer y esun di 11 di November lo ta di un half marathon y full marathon. Un total di 8 atleta lo participa na e marathon aki.
Segun Xiomara Arends, kende ta forma parti di e grupo, un ta informa otro di e grupo y semper ta keda busca kico ta e caredanan cu tin pafo di Aruba, ya ta haci algo otro tambe. E coredonan ta bay riba nan propio forsa, cu ayudo di Minister di Deporte cu a yuda cu e uniformnan pa e marathon pa por saca cara y haci propaganda pa Aruba.
Palabra di exito ta bay na e coredonan, cu sigur lo haci un bon papel, representando nos isla na Las Vegas.
