E temporada di Carnaval 65, Feel the Vibe, a yega su final y Aruba Bank, tabata un partner orguyoso di Stichting Maneho di Aruba su Carnaval (SMAC) cu a mira un oportunidad pa promove cultura, arte, y musica durante di henter e temporada.

E banco pionero di Aruba a clausura e temporada cu broche di oro, brindando su empleadonan e oportunidad y comodidad pa experiencia e fiesta magno cultural na Oranjestad y San Nicolas, e ultimo aki durante di e Parada di Luz y Parada Grandi.

E gran parada na Oranjestad, tawata mesun grandioso y tur e invitadonan a disfruta un desfile yena cu color y creatividad. Tambe comunidad riba e ruta un bes mas a keda contento cu e diferente pechinan, sunblock, bril di solo y stoelnan cu Aruba Bank a regala durante di e eventonan popular.

Aruba Bank ta felicita organisadonan, nos comunidad carnavalesco, musiconan y tur cu a aporta na e gran celebracion cultural, Carnaval 65. Pabien Aruba!


Comments

comments