Aruba Bank cu regalo pa Prins y Pancho ganado

E temporada di Carnaval 65 ta continua den un dushi ambiente, cu eleccion di Prins y Pancho infantil, hubenil y grandi. Un publico grandi tabata presente pa apoya e participantenan.

E anochi a cuminsa cu baile di Chaz Dancers hunto cu e participantenan. A sigui cu contamento di joke y escenanan humoristico di e participantenan cu sin duda a pone tur hende hari den Carnival Harbour Arena. Un total di 3 pareha tabatin den categoria infantil, 5 den hubenil y 3 den categoria di hende grandi. Tur participante a haci nan maximo esfuerso y no tabata facil p’e huradonan scoge e ganadonan.

E ganadonan di anochi tabata Prins Antes Joshmar De Cuba y Pancho Awo Jaymar de Cuba di TOB infantil, Prins Mal Dwayne Dabian y Pancho Tempo Obi Tromp di Colegio San Antonio/TOB hubenil, Prins Bon Charles Rafine y Pancho Malo Micheal Quant di Pink 4 Life grandi.

Representante di Aruba Bank, Michelle Harms, a entrega premio na e ganadonan di Prins y Pancho di Carnaval 65. E ganadonan a ricibi un ‘party chair’ y tur tabata contento di e sosten y regalo di e banco cu ta carga nomber di nos pais.

Aruba Bank ta felicita tur participante y ta desea e pueblo di Aruba un dushi temporada di Carnaval 65, Feel the vibe.

IN