Deporte di softball ta creciendo y un biaha mas Aruba Bank t’ey pa sostene nan ekipo di softball. Aruba Bank ta contento y orguyoso di nan ekipo di Softball cu ta consisti di binti (20) empleado di Aruba Bank dedica na deporte.
E ekipo a bini hunto cu gerencia pa asina batisa nan uniform nobo atardi na Canteen di banco. E madrina y padrino, Managing Directors di Aruba Bank, Sharon Frankel-De Cuba y Michiel Helfrich a batisa e uniform cu awa.
Pabien grandi na e ekipo completo pa nan prestacion durante di e weganan. Aruba Bank ta desea e hungadonan exito durante nan weganan venidero. Nos ta invita e famia di Aruba Bank completo pa bin apoya nos ekipo.
