Aruba Aloe y Scubble Bubbles ta colabora un biaha mas!

Na final di 2018, Aruba Aloe orguyosamente a lansa nan producto di mas nobo, esta e protector solar a base di mineral cu ta safe pa nos coralnan. Pa pone enfasis riba e compromiso aki den protehe Aruba su coralnan precioso, Aruba Aloe a bin ta apoya e esfuersonan di Scubble Bubbles, un grupo di divers hubenil cu ta focus riba yuda restaura rifnan di coral na Aruba. Recientemente, Aruba Aloe a anuncia cu nan ta cla pa entrega e ultimo cheque na balor di AWG 6,434.36, representando e fondonan colecta door di Aruba Aloe den tur nan tiendanan desde januari 2019.

Durante e campaña di recaudacion di fondo aki, Aruba Aloe su sales associates a hasi tur nan clientenan conciente di e campaña aki door di splicanan na caha di e meta di Scubble Bubbles y e importancia pa support nan esfuerso atraves di donacion. Aruba Aloe ta agradecido na tur su clientenan cu a scohe pa hasi un donacion na Scubble Bubbles atraves di e campaña aki.

Scubble Bubbles a wordo funda door di un grupo di studiante di skol secundario y nan instructora, Nichole Danser, y desde inicio a crece pa inclui un number di hoben scuba divers cu ta conciente di nos medio ambiente y tambe preocupa pa conservacion di nos oceano. Despues di diferente research, nan a cuminsa cu nan mission pa adopta Aruba su rifnan di coral. Usando un ‘framework’ di PVC, e grupo a crea diferente coral nurseries prospero na dos diferente localidad.

Nichole Danser di Scubble Bubbles ta conta: ‘ E coralnan den e nursery di Aruba Aloe ta creciendo hopi bon. Esaki ta bin door cu e coralnan ta bin di 5 diferente poblacion y tin 5 genetica diferente, esaki ta hasi cu nan ta creciendo riba ritmo diferente. E ta hopi surprising pa wak con liher algun di e coralnan ta crece. Despues di solamente 4 luna, algun ta ya na mitar di e tamaño necesario pa e plantacion. Nos ta entusiasma cu e donacion nobo aki y nos lo use pa extende nos proyecto di restauracion pa inclui otro especienan di coral. Esaki ta hopi importante pa nos structura di rifnan, pero tambe pa nos biodiversidad.’

Un di e localidadnan aki a wordo patrocina pa Aruba Aloe cu a entrega un cheque impresionante di AWG 10.000,- na Scubble Bubbles durante e lansamiento di nan protector solar nobo a base di mineral. E ‘Aruba Aloe Coral Nursery’ ta localisa na costa di Savaneta y a wordo habri oficialmente durante World Reef Awareness Day. Na e nursery aki, fragmentonan di coral ta wordo rehabilita y wordo cuida pa nan crece na un size madura prome cu nan wordo transplanta bek riba e rif.

Cu e cheque mas reciente di Aruba Aloe di AWG 6,434.36, Scubble Bubbles por cubri tur gasto di materialnan necesario cu ta wordo usa pa construi e rifnan artificial, pero tambe e costo di equipo pa dive.

Aruba Aloe ta inverti den yuda preserva Aruba su flora y fauna pa futuro generacionan. Esaki ta un di e motibonan pakiko e compania aki a cambia na final di 2018 y cuminsa produci protector solar a base di mineralnan cu ta safe pa nos coralnan. E formula nobo aki ta contene titanium dioxide y zinc oxide, cu ta safe pa coralnan, pero tambe a abstene di usa e asina yama ‘nanoparticles’, cual por wordo ingeri door di e coralnan. Ademas, e formula ta usa ingredientenan suave cual ta safe pa e coralnan bou di standard estricto di e Environmental Working Group.

OLYMPUS DIGITAL CAMERA

Aruba Aloe ta invita localnan pero tambe bishitantenan di nos isla pa purba nan protector solar nobo a base di mineral sunscreens cu ta contene 100% Aloe Vera Gel Puro, cual ta disponibel na tur Aruba Aloe su tiendanan rond di nos isla. E compania di Aloe tambe ta desea Scubble Bubbles tur clase di exito den nan esfuerso incansabel pa restaura y proteha Aruba su rifnan di coral.
Aruba Aloe, cual a wordo estableci na 1890, ta un di e poco compañianan di Aloe na mundo cu ta crese, cosecha y procesa su Aloe na e mesun lugar. E Aloe, cual ta wordo considera e miho Aloe di mundo, ta e base di un coleccion di producto pa cuido pa cuero, solo y cabey, cual constantemente ta creciendo. Aruba Aloe awor aki tin 16 tienda aki na Aruba, y su productonan ta obtenibel pa wordo cumpra riba www.arubaaloe.com (Merca & Canada) y na www.arubaaloe.nl (Europa).