Aruba Beach Tennis Open 2019 cual lo tuma lugar dia 8 pa 17 di november ta den porta y Aruba Aloe un biaha mas ta contento di por colabora cu Beach Tennis Aruba pa yuda trece un evento exitoso cua pa prome biaha lo tuma lugar na e beach nobo recien construi, Bushiri Beach.
E competencia anual aki, cual ta trece competitornan di 42 pais pa competi na e costanan mundialmente famoso di Aruba, ta e evento deportivo di mas grandi di nos isla y ta brinda oportunidad pa e pueblo di Aruba ta parti di un evento internacional. Bishitantenan lo disfruta di entrada gratis, entretenimiento gratis durante anochi, un atmosfera di fiesta y partidonan di beach tennis emocionante cu e muher atletanan di mundo. Door di atrae asina hopi bishitante internacional, e Aruba Beach Tennis Open (ABTO) ta contribui significantemente na e economia di Aruba y tin internacionalmente un balor di mercadeo halto, promoviendo nos isla cu beach, deporte y diverticion.
Aruba Aloe ta aprecia e beneficionan grandi cu ABTO ta trece pa Aruba y ta orguyoso di por sostene e evento aki door di ta encarga tambe cu e entretenimiento tur dia durante e oranan di anochi. Tur anochi, di 8 pa 17 di november, banda nan local y DJ’s lo pone ambiente riba e stage di Aruba Aloe entre 9:30 pm pa 11:30 pm cu entretenimiento di Honeypot, Le Groove, Alan Rockney, Nausicaa Sari (DJ Italiano), D’licious, TSUNAMI, Party Time DJ Diablo y NUTZBEATZ.
Aruba Aloe lo tin tambe un pop-up store na ABTO2019 ofreciendo 25% di descuento riba tur producto, incluiendo nan protector solar nobo a base di mineral cual a wordo lansa na final di 2018. E protector solar aki tin diferente beneficio impresionante. E ta safe pa nos coralnan y ta ofrece un proteccion amplio contra di rayonan UVA y UVB cual ta yuda protehe e cuero di envehecimiento prematuro y tambe cancer di cuero. E ta hypoallergenico y tambe extremadamente water-resistent y ta contene hydratacion di 100% Aloe Vera Gel di nan mesun campo di Aloe. Aruba Aloe ta invita tur hungador y bishitantenan pa bin sera conoci cu nos formula di protector solar nobo durante e evento aki.
E marketing manager di Aruba Aloe, Jessica Posner, ta conta: “Nos ta spera di ta un parti integral di Beach Tennis Open Aruba 2019 cu ta asina importante pa nos isla di un perspectiva economico pero tambe di mercadeo. E team di Aruba Aloe ta invita tur hende pa bin disfruta di entretenimiento gratis tur anochi y tambe pa pasa bishita nos pop-up store di Aruba Aloe durante siman pa asina disfruta di nos 25% di descuento riba nos protector solar nobo of tambe e faboritonan di Aruba Aloe.”
Algun tip di Aruba Aloe pa con pa aplica e protector solar a base di mineral pa esnan atendiendo e ABTO2019:
- Aplica protector solar 30 minuut prome cu bay pafor.
- Cuminsa cu menos di locual bo ta pensa cu bo mester.
- Aplica den seccion y hunta bon.
- Si bo ta wak e, e ta trahando!
- Aplica cada 2 ora.
- Re-aplica despues di landa.
Aruba Aloe, cual a wordo estableci na 1890, ta un di e poco compañianan di Aloe na mundo cu ta crese, cosecha y procesa su Aloe na e mesun lugar. E Aloe, cual ta wordo considera e miho Aloe di mundo, ta e base di un coleccion di producto pa cuido pa cuero, solo y cabey, cual constantemente ta creciendo. Aruba Aloe awor aki tin 16 tienda aki na Aruba, y su productonan ta obtenibel pa wordo cumpra riba www.arubaaloe.com (Merca & Canada) y na www.arubaaloe.nl (Europa).
