Aruba Aloe ta recorda tur hende pa aplica protector solar durante carnaval

E temporada di carnaval aki, Aruba Aloe ta sigura cu cuerpo policial y tambe e voluntarionan di Cruz Cora ta bon protehi durante e oranan largo cu nan lo pasa den solo directo pa por mantene e seguridad di tur hende cu lo ta celebrando carnaval.

Manera aña pasa, Aruba Aloe ta orguyoso di sponsor cuerpo policial y tambe Cruz Cora cu nan protector solar nobo a base di mineral pa yuda proteha nan cuero contra di e rayo nan dañino di solo durante e paradanan den dia.

Miembronan di Cruz Cora tambe lo ricibi nan Foot Crème cual ta yuda pa alivia e pianan despues di paradanan. E sponsor aki ta sirbi como un ehempel pa e comunidad di Aruba, recordando tur hende celebrando carnaval pa proteha nan mes di e solo. Aruba Aloe su protector solar nobo, basa riba mineral, ta proteha perfectamente contra esaki, ofreciendo un “board spectrum” di proteccion contra rayo nan UVA y UVB, yudando asina preveni kima di solo, cancer, lachi y envehecimento prematuro. E compania ta purba yuda educa e comunidad riba cuanto biaha mester aplica protector solar (cada 2 ora), con esaki mester wordo usa, hasta riba dianan nubla y con tur hende por usa esaki, sin importa e tipo di cuero.

Na november 2018, Aruba Aloe a lansa su protector solar nobo, basa riba mineral cual ta bon pa nos coralnan, sin kimico, hypoallergenico, y por wordo hunta facilmente. Mas cu claro, mescos cu tur producto di Aruba Aloe, e protector solar aki tambe ta contene 100% Aloe Vera Gel Puro, sigurando asina cu e cuero no ta solamente protehi, pero tambe nutri y humecta. Aruba Aloe ta invita tur hende pa bishita nan tiendanan prome cu e dianan di fiesta pa asina nan tin nan protector solar den stock. Tur local ta ricibi 20% di descuento.

Aruba Aloe, cual a wordo estableci na 1890, ta un di e poco compañianan di Aloe na mundo cu ta crese, cosecha y procesa su Aloe na e mesun lugar. E Aloe, cual ta wordo considera e miho Aloe di mundo, ta e base di un coleccion di producto pa cuido pa cuero, solo y cabey, cual constantemente ta creciendo. Aruba Aloe awor aki tin 16 tienda aki na Aruba, y su productonan ta obtenibel pa wordo cumpra riba www.arubaaloe.com (Merca & Canada) y na www.arubaaloe.nl (Europa).