Aruba Airlines awo bulando di Aruba pa Riohacha

Diabierna mainta un delegacion di Aruba a biaha riba e vuelo inaugural di Aruba Airlines pa Riohacha.Despues di un extenso mercadeo cu Aruba Airlines a haci, a dicidi di inaugura e ruta di Riohacha, Colombia riba dia 23 di augustus 2019.

E vuelonan aki lo ta 3 biaha pa siman riba diaranson, diabierna y diadomingo saliendo for di Aruba pa 10’or di mainta ora local y ta yegando Riohacha pa 9’or y 45 di mainta, ora di Colombia. Riohacha ta un punto di conexion atractivo cu ta brinda e posibilidadnan pa conecta cu otro ciudadnan den Colombia mes. E destinacion Riohacha lo ta opera cu un avion tipo CRJ-200 Jet cu un capacidad di 50 pasahero.

Aruba Airlines awo bulando di Aruba pa Riohacha

Aruba Airlines awo bulando di Aruba pa Riohacha. Click link pa mas https://24ora.tv/2Mz6831

Posted by 24ora on Friday, August 23, 2019

Miami

Alabes debi na tantisimo peticion, Aruba Airlines lo bay bula 4 buelo durante herfstvakantie den luna di october pa Miami, Florida. E fechanan pa Miami lo bay ta: 3, 6, 10 y 13 di october, 2019.

E orario pa e buelo di Aruba pa Miami lo ta den oranan di mainta 11:15 y ta regresa for di Miami pa Aruba pa 3’or y 45. Riba e vuelonan aki lo bay ofrece 2 maleta gratis di 23 kg pa persona y 1 carry on di 8 kg pa persona.

Esaki lo ta opera door di e avion tipo Airbus A-320 cu un capacidad di 12 Business Class y 138 economy class.

Ekipo di 24ora.com (Nelson “Speed” Andrade, Brian Koolman y Everlis Tromp) tabata invitado di Aruba Airlines y a sali diabierna mainta pa Riohacha pa cubri e vuelo inaugural di Aruba Airlines pa e ciudad na Colombia. Keda pendiente pa un cobertura completo, pasobra….”Nos…ta prome den noticia!”

Historia Riohacha

Tur hende conoce como Riohacha, pero oficialmente e yama “Distrito Especial, Turístico y Cultural de Riohacha”, mientras cu den e idioma indigena eynan ta yam’e “Tera di riu”. E ta un municipio Colombiano, capital di e departamento La Guajira ubica na costa di La Caribense, hunto cu e riu Ranchería. E ta e di dos municipio cu mas extension teritorial den su departamento y considera esun principal debi na presencia di varios entidad publico, banconan y entidadnan financiero, sin lubida cu e tin e sede de Diócesis de Riohacha; institucionnan cultural, educativo, escenarionan deportivo y su sector comercial. Riohacha ta conta cu un poblacion di mas o menos 277.913 habitante, segun cifranan di aña 2017.

Comments

comments