Aruba Airlines a inaugura su vuelo oficialmente pa Riohacha

Miembronan di prensa, como tambe invitadonan a bula den e vuelo inaugural di Aruba Airlines pa Riohacha, Colombia. Gerente General di Aruba Airlines, Frank Arendsz a menciona cu e ruta aki lo ta uno hopi bon mes.

 

E prome tres vuelonan ya caba ta completamente bendi, esta esun di awe, diabierna, esun di diadomingo y esun di diaranson. Tin un vuelo completamente bendi, sperando cu siguramente den futuro e lo ta un exito rotundo.

Aruba Airlines a inaugura su vuelo oficialmente pa Riohacha

Aruba Airlines a inaugura su vuelo oficialmente pa Riohacha. Click e link pa mas https://24ora.tv/2Zy8iWV

Posted by 24ora on Friday, August 23, 2019

Pakico Riohacha

A scohe Riohacha despues di un estudio cu a haci. E ruta aki den pasado tabata hopi exitoso, mirando e vuelonan cu tabata tin di entre otro di Tiara Air. Ta bay haya intercambionan di famia cu ta biba na Aruba y na Riohacha, como tambe e parti comercial.
E punto mas principal cu hende a pidi pa e ruta aki tabata e parti di e punto cu Riohacha ta situa un caminda unda cu hopi hende ta biaha pa poco placa. Tur hende ta mira esey ora di biaha, pa nan por bay Riohacha y eynan ta coy via tera, pa bay den interior di e pais, pa asina haci nan negoshi y tambe bay pa dokter.
P’esey tambe ta keriendo cu e ruta aki lo ta bay ta uno hopi exitoso pa Aruba Airlines.

E ruta

A cuminsa ta pensa aña pasa riba dje. Tabata tin tres destinacion den nan plannan pa Colombia, cual ta Medellin, Barranquilla y Riohacha. A cuminsa cu Riohacha pasobra tin e CRJ 200, cu 50 asiento cu por cuminsa mesora cun’e, sperando cu riba Barranquilla den futuro, pa e aña aki ainda caba.
E mesun CRJ aki lo cubri e ruta di Barranquilla. E ta un bon tipo di avion pa bula.
Segun Arendsz e no lo dura hopi cu lo start cu esey. Barranquilla ta sigur, y Medellin tambe. Barranquilla ta hopi bon. A haci un estudio riba esaki cu biaheronan di Corsou y Boneiro, unda cu nan ta bishita hopi Barranquilla pa tratamentonan medico.
Ta kere cu entre e tres islanan, lo haci esaki un bon ruta.
Na cuminsamento lo uza e mesun tipo di avion, mirando cu e distancia ta bon p’e. E Airbus 320 cu nan tin, no lo fit, pasobra e ta hopi costoso. E total di asientonan cu e tin ta 150. No por bula cun’e, pasobra e ta mucho hopi asiento y e ta hopi grandi pa e ruta.

Curacao Sea Jazz

Arendsz a splica cu pa e Jazz Festival, aparentemente, bao di demanda tambe, a pone tres vuelo extra y diahuebs, ora cu a search e vuelonan aki, nan ta yenando tambe. E parti ey ta bayendo hopi bon. Si mester yuda den otro forma di pone un vuelo extra, ta haci’e. Pero te awor aki, ta tres so tin. Ta tres vuelo extra, fuera di e itinerario cu tin. Otro siman, cu e vuelonan extra, ta bulando Corsou dos biaha pa dia, como riba diahuebs y diamars nan ta bulando tres, e lo bira por lo menos 25 vuelo pa e siman ey y tur ta yenando. Tin luga ainda si. Pero nan ta yenando y e regresonan tambe ta un problema chikito, cu tin hopi hende ta pega cu e dianan cu nan kier bin. Tin e otro vuelonan cu Aruba Airlines ta ofrece cu nan por bin den nan, Arendsz a bisa por ultimo.

Comments

comments