E participante di Aruba, Ysaura Wong-Giel, a bay cu e titulo dik Miss Photogenic ayera nochi durante e certamen di Miss World na Las Vegas, Nevada. E titulo di Best Body a bay pa Puerto Rico, mientras cu a corona Caroline Jurie di Sri Lanka como Mrs. World 2019. Ta despues di mas di tres decada cu Sri Lanka a gana e titulo similar.

“Mi ta sinti mi mes hopi honra di comparti mi herencia y cultura riba e escenario global,” el a bisa den un publicacion riba Facebook, realisa poco prome cu e espectaculo final a cuminsa. Prome finalista ta for di Irlanda y di dos finalista ta di US Virgin Islands. El a vence candidatanan for di 51 pais. Aña pasa Jennifer Le for di Vietnam a bay cu e titulo di Mrs. World.

Mrs. World 2019: Caroline Jurie di Sri Lanka

Mrs. World ta e prome certamen di beyesa pa hende muhenan casa, crea desde aña 1984. E ta e certamen ruman di Mrs. America y entretanto a bira esun mas grandi na mundo. E ta organisacion ta conta cu sosten den 80 diferente pais rond mundo. E certamen di e aña aki ta tuma luga awenochi na Las Vegas, Nevada. Aruba ta conta cu participacion di Ysaura Wong-Giel, casa di e conocido Clifton Wong y ta mama di 2 yiu.

E candidata di Aruba y Puerto Rico, cu un sonrisa riba nan cara, ta mustra nan premio di Miss Photogenic y Miss Best Body 2019

Mester menciona cu aña pasa tambe e certamen di Mrs. World a tuma luga na Las Vegas y Jennifer Lê di Vietnam a bay cu e titulo maximo. E aña aki un total di 51 candidata ta participando, representando nan pais. Esey ta un aumento drastico si compara cu na 2017 tibetan 36 participante na Peru, na 2018 tabatin 35 participante na Hong Kong y aña pasa tibetan 35 participante na Las Vegas. Pues e aña aki ta un crecemento grandi. E ultimo biaha cu tabatin mas di 50 participante tabata na 2011 na Orlando, Florida y na 2009 na Vietnam cu tabatin 78 participante.

Comments

comments