Aruba a haya “voorschot” di 71 miyon florin for di Hulanda

Desde cu e pandemia di COVID-19 a dal mundo henter, Aruba ta den e reto financiero. Pa por cubri gastonan, a haya un fiansa di Hulanda, pero e ta mara na algun condicion pa cada tranche di e suma total. Diabierna ultimo den Conseho di Minister di Reino (RMR) a presenta e toetsingskader risicoregeling pa e di cuater tranche pa Aruba.

Conseho di Minister a aproba un suma di 71 miyon florin pa Aruba como un ‘adelanto’ di e prestamo di yudansa pa COVID-19. E ta un ‘voorschot’ p’e suma di necesidad di likides den e prome cuartal di 2021, cu Secretario di Estado di Hulanda, Raymond Knops, a informa Parlamento (Tweede Kamer).

Loader Loading…
EAD Logo Taking too long?

Reload Reload document
| Open Open in new tab

Download [326.41 KB]

Segun Knops, e suma di 71 miyon florin lo cubri solamente e prome seis simannan di aña 2021, pues for di dia 1 di januari pa 12 di februari 2021. Tur esaki debi cu e situacion di likides di Aruba pa januari ta malo y no por warda te e deadline di realisacion di condicionnan cu ta poni p’e di tres tranche. Pa e motibo aki a dicidi di duna un adelanto. Pero Hulanda lo desconta e adelanto for di e suma total.

CAFT ta determina e suma total di cuartal y ta determina si Aruba a cumpli cu e condicionnan di e di tres tranche. Pero na final Conseho di Minister di Reino Hulandes ta esun cu mester tuma un decision positivo riba e fiansa grandi aki.