Awe den oranan di marduga un pashent di Covid-19, di 79 aña di edad, interna den Hospital lamentablemente a fayece. Gobierno a splica un rato pasa cu nan ta den contacto cu famia pa informa di e noticia lamentabel aki. E señora no tabata den ICU, sino den camber regular.
“Gobierno di Aruba a y ta haciendo tur lo posibel pa evita cu pashentnan di Covid-19 ta fayece, sinembargo no por a evita esaki. Gobierno ta enfatisa un biaha mas, con importante ta pa tur hende tene nan mes na e instruccionnan di keda paden y di laba man y mantene distancia for di otro.
Gobierno di Aruba ta extende palabra di condolencia y forsa na famia di e fayecido.