Aruba a conoce su di 5 morto den trafico

Diamars 8 di mei 2019 a sosode un accidente serio, den cual un auto a alcansa un peaton na e crusada di Professor Lorentzstraat y Emmastraat na Playa. E victima a keda den un situacion masha delicado y cu urgencia a transport’e pa Hospital pa ricibi tratamento medico.

Sinembargo, awe pa 1:05am Dokter a constata morto di Angel Colina, naci na Venezuela dia 11 februari 1925, pues di 94 aña di edad.

Ta expresa palabranan di condolencia na famia di e fayecido.