Dialuna atardi SMAC a yena Carnival Museum San Nicolas cu talentonan conoci, algun nobo y hoben di Calypso y Roadmnarch di Aruba.
Un festival cu tabata comienso di hopi carera artistico y cu a duna nos Isla hopi Cancion y Legendarionan inolvidabel.
Motibo cu a yama tur e hobennan aki hunto , ta pa asina duna inicio na e festival cu e prome detaye cu ta e secuencia di number di cada participante pa e festival.
Den un ambiente sumamente agradabel yena di musica y un localidad acorde cu e tema a tuma luga e trekmento di lot entre tur participantenan presente.
Tur mucha cu sonrisa na cara pa asina haya sa e number cu nan lo tin pa e gran festival cu lo tuma luga diasabra januari 11, den Carnival Village San Nicolas.
Loading…
Reload document 
Open in new tab Ta haci un yamada na e fanaticada y na pueblo en general pa bin tempran y bin pa sostene nos artista chikitonan cu ta bay duna tur di nan banda pa un bunita presentacion un biaha mas.
Categorianan cu lo participa lo ta pre-infantil , infantil y hubenil tanto den Calypso como Roadmarch. Carchi ta obtenibel caba na CITGO Blvrd , CITGO Essoville y cerca e mayornan como tambe na oficina di SMAC.
