Artista internacional Odillia grabando su video clip na Aruba

1482

Odillia ta un cantante internacional cu ta surgiendo den mundo di espectaculo y “guess what” a scoge Aruba pa filma e video clip cu lo lansa proximamente. E clip aki lo ta pa un cancion cu e ta canta hunto cu e famos artista Snoop Dog. E titulo di e cancion ta ‘Break it down’.

Aruba tin bunita beach, lama cristalino y e hendenan t’asina cordial cu ta e motibonan “cu nos a scoge Aruba pa haci e grabacionnan,” el a splica. Den e produccion aki su team na prome instante a keda di traha cu un film crew internacional. Despues di e tende y mira trabou di e productor local Edward Silberie, a dicidi di traha cu ful un crew local. Nan ta spera cu e clip aki lo ta cla den luna di augustus.

Artista internacional Odillia grabando su video clip na Aruba

Artista internacional Odillia grabando su video clip na Aruba. Click link pa mas https://24ora.news/3j3Ukmh

Posted by 24ora on Wednesday, July 15, 2020

Na januari ultimo caba el a lansa e cancion “End of the World”, ironicamente net na comienso di e crisis di coronavirus y a duna bon resultado, zonando den forma constante.

Plannan pa futuro ta hopi, presentacion y mas video. Pero tur ta depende di e situacion relaciona cu coronavirus. Pero su plannan ta grandi, entre otro un otro produccion kisas cu un di su idolonan manera Beyonce, pone un cancion di Michael Jackson, como un tributo na e gran artista aki, den un bachi nobo.

Odillia ta gusta baila, lesa, wak documentarionan y biaha.