Arthur Dowers (AVP) riba reunion den Parlamento: A habri un beerput

798

Durante di e reunion di parlamento diabierna, tabata tin un bay bin di palabra entre parlamentario Arthur Dowers y presidente di Parlamento. Esaki, segun e parlamentario, tabata culminacion di un circo.

Por a mira cu e politiconan aki siman pasa diabierna a kita cartera di un minister. Nan a laga e minister biaha pa yama un reunion tras di su lomba bah’e.

E minister aki a divulga hopi acto di corupcion. El a mustra cu su colega di husticia y di partido, cu ta insisti cu e mester baha mes tambe y cu e mes ta meti den actonan di corupcion y ta hopi straño cu na final cu esaki a pasa, ta haya un di esnan cu a bisa cu nan ta haya cu e minister mester bay na mas cu un ocasion.

NO tin sosten den coalicion! POR a dobla y a pidi pa suspende e reunion te cu “un proximo aviso”

NO tin sosten den coalicion! POR a dobla y a pidi pa suspende e reunion te cu “un proximo aviso”

Posted by 24ora on Friday, July 31, 2020

Ta bisa cu nan no ta bay sinta cun’e den ministerraad. E impresion cerca Dowers ta, cu door cu e minister a saca hopi cos di actonan coruptivo contra di e coleganan, cu awor aki nan ta tapa y nan kier cera e reunion pa no por tende mas.

E minister a bisa cu e tin mas prueba pa trece den e segunda tanda y a core corta e reunion pa no tende kico mas di corupcion sali.

E reunion a wordo geschors pa mas di tres pa cuater ora, siendo cu por a bisa cu kier bin bek hunto cu otro pa mira si por sali afo.

Loka a haci ta laga hende keda tanto ora y dado momento y un persona ta bin pida pa wordo geschors. E reunion a wordo pidi pa cuater persona y e reunion a mustra bon cla cu e minister no por conta cu nan confiansa y diripente cu nan a divulga hopi di nan corupcion, diripente ta conta cu nan confiansa atrobe.

E seriedad cu tin den e pais aki pa loke ta trata gobernacion a bay totalmente. Ora cu tende e ministernan bisa, no mester wak interes di partido sino interes general. Dowers ta indica cu ningun di nan ta sirbi interes general. Loke ta sirbi ta interes particular y di persona. Por a mira personanan hopi nervioso cu por pensa cu e gobierno por bay cas.

Loke cu Dowers a tende den e reunion, e no ta mira con por ta posibel cu sea e minister aki of e minister di husticia, ta mas na su luga, cu lo mester haya su retiro. E ta esun cu a crea e problema aki na prome luga.

E ta esun cu a wordo culpa di hopi acto di corupcion. E ta esun cu a wordo culpa pa tapa actonan di corupcion. E ta wordo culpa di a traha cu un persona cu a sali for di su posicion, un lider di partido cu ta wordo investiga cu a sali for di su posicion y e minister di husticia a keda sostene como un di e asesornan principal di gobierno.

Loke a wordo saca, ta un beerput a wordo habri. Si mester yega na conclusion, cu ora habri como minister cu nan kier kitabo yhabri un beerput riba nan, e ora ta bisa pa keda y papia pa asina por trankilisa cos awor aki, pa no saca mas cos.

Ta sinti cu pueblo tin derecho di haya informacion cu no a haya. E informacion aki mester bin pafo. Dowers no ta kere cu nan lo bay for di gobierno, pasobra e poder y e salario ta mucho mas interesante cu e pais. Nunca a verwacht lo bay, pero si a kere cu e pueblo lo haya sa e berdad di tur e bagamunderianan cu ta pasando. Lo keda haci esfuerso pa den e dia y simannan cu sigui lo haya sa e berdad total.

Loke por a mira ta hopi bergonsoso pa nos pais y pa nos democracia, Dowers a bisa por ultimo.