Mundo di deporte ta di luto. E astro di futbol Diego Armando Maradona a fayece na edad di 60 aña.
Maradona tabata un di e miho hungadonan den historia di futbol y a fayece diaranson mainta a causa di un paro cardiaco respiratorio.
E campeon di mundi na 1986 cu e seleccion di Argentina a sufri un ataca di curason na su casa. Nan a trata di reanime, pero no a logra.
Segun comentario di esnan rond di dje, el a haya asistencia di seis ambulance, pero no por a logra reanime. Pa 12’or di merdia a anuncia cu el a fayece.
E tabata na su cas den e bario Tigre despues di un operacion. El a sali di hospital dia 11 di november despues di un hematoma den cabes. Desde cu el a bolbe cas, e tabata rondona pa profesionalnan di salud.
