Arjen Robben ta regresa cu FC Groningen

Arjen Robben tin bista riba su regreso cu FC Groningen. E hungado cu a participa 96 biaha internacional cu Oranje, sorprendentemente a informa su regreso como hungado cu e “Trots van het Noorden.”

“P’e periodo aki e club por uza tur yudansa pa pasa e crisis di Corona. Tambe mi a participa den diferente accion y mi a pensa ki mas por haci pa nos FC,” Arjen Robben a bisa. Hopi hende den e club a acerc’e y a scucha loke nan tabata bisa: “Arjen, sigui bo curason!” Un hungado di FC Groningen cu ta regresa. Esaki lo ta e ultimo mision di Robben.

E delantero di 36 aña, cu a cuminsa su carera na comienso di e siglo aki cu Groningen y a termina esaki cu Bayern Munich aña pasa, ainda tin hopi pa duna. “Si mi logra, mi no sa. Pero loke mi sa, ta cu e no lo depende di mi compromiso y motivacion. E ta mi soño pa hunga atrobe den e shirt di FC Groningen.” Despues di su prome añanan cu FC Groningen, Robben a hunga pa PSV, Chelsea, Real Madrid y Bayern. Cu e ultimo club el a mantene su estado fisico.
—