Aresto domiciliario pa seis ehecutivo di Citgo

“Venezuela a libera un grupo di ex-ehecutivo di e refineria Mericano Citgo, encarcela na 2017 pa corupcion,” Reuters a indica.

Di e mesun manera, Joshua Goodman, periodista di AP, a señala cu e medida parce ta un muestra di bon boluntad cu Joe Biden, presidente di Merca.

“E liberacion parcial di e seis empleadonan aki di Citgo, cu sede na Houston, confirma na The Associated Press pa abogado y famianan di e hombernan aki,” e agencia a confirma.

E asina yama “Los 6 de Citgo” ta Tomeu Vadell, Jose Luis Zambrano, Alirio Zambrano, Jorge Toledo, Gustavo Cardenas y Jose Pereira, aresta pa agentenan di siguridad mientras cu nan tabata den un reunion na Caracas na 2017, convoca e tempo ey pa PDVSA.

“E seisnan di Citgo a ricibi aresto domiciliario un biaha caba, na december 2019, solamente pa ta encarcela dos luna despues, e mesun dia cu presidente Donald Trump a duna e lider opositor Juan Guaido un bon bini den Cas Blanco,” segun AP.