Area den Playa sin coriente awe mainta

Ta parce cu e ultimo dianan aki, WEB y Elmar ta pasa di un fayo pa e otro, cu consecuencia cu clientenan ta keda afecta. Awe mainta, despues cu marduga parti di Paradera tabata sin coriente, a toca turno na Oranjestad pa keda sin suministro. NV Elmar a informa cu ta un area rond di Paardenbaai.

Di acuerdo cu NV Elmar, debi na daño haci na un kabel di tension halto door di contratista, coriente a bay den e area di Paardenbaai y vecindario. E tecniconan di NV Elmar a traha mesora riba e fayo y despues di mas o menos dos ora, a logra reestablece suministro normal atrobe.