Diadomingo, 20 di november, ta Dia Internacional di Tratado di Derecho di Mucha. Den cuadro di esaki, Arco Iris Kleuterschool a celebra esaki diabierna hunto cu su alumnonan.
Tabata un dia caminda cu e docentenan di e scol a tene diferente actividad , basa riba e tema awa. Pa esaki, nan tabata tin dos slip, unda cu e muchanan por a slip bin abou y tambe un pool grandi cu e juffrouwnan a drenta aden. Tabata tin wega di pasa awa cu beker, wega di spons y un wega pittezaken, cual tur ta relaciona cu awa, juffrouw Nayree Hart, docente di Arco Iris Kleuterschool a indica. Juffrouw Nayree Hart, a bisa pa e muchanan gosa mas cu nan tur. Tur mucha tin derecho pa hunga, pa tin un famia, pa bin scol, pa tin cuminda, pa balora.
Apart di e actividad aki, Scol Preparatorio Arco Iris, e juffrouwnan a tene un actividad di Dia di Bestia, cu nan tabata oportunidad di sali cu e muchanan. Sinterklaas nan lo celebra proximamente pero tambe Pasco.
Otro aña e celebracion di Carnaval ta bek, pa cual esaki tambe lo bira un actividad p’e muchanan. Y no por laga afo, Dia di Betico, cu ta 25 di januari y tambe Aruba su Dia di Himno y Bandera, 18 di maart.
