For di aña 2003, ILO (International Labor Organisacion) ta celebra tur aña riba e fecha di 28 di april, e asina yama “Day of Safety & Health at Work”. Unda ta duna atencion special na e tema di Siguridad & Salud na pia di trabou. E aña aki ILO ta celebrando su di 100 aniversario. Y tema pa e dia special e aña aki ta “A SAFETY AND HEALTH CULTURE OF WORK”.

For di 2005, ILO a pidi Aruba pa acorda cu Convenio 155 y na 2006 cu 187 pa asina bin cu un “framework” pa on the long run cambia/modernisa nos leynan di Siguridad & Salud. For di 2007 a cuminsa cu esfuerso pa acorda cu esaki. Asina a bin cu e Rapport “Voorstel modernisering arbeidomstandigheden wetgeving”.

Pero despues di añanan nada a sosode, te cu despues na 2011, Parlamentario Donny Rasmijn (AVP) a lanta e asina yama comision di “werkveiligheid” di Parlamento, cu despues cu a sinta cu Minister Richard Visser (Salubridad) y Otmar Oduber (Labor), e ultimo aki a dicidi di tuma esaki na su encargo. Y na na October 2013 a bisa “Mi ta poniendo accento riba Arbowet”. Entre September 2013 te cu fin di September 2014, Sr. M. Bartels-Daal a conduci un estudio inicial riba e trayecto pa un Arbowet pa Aruba.

Na October 2014, parlamentario Donny Rasmijn (Presidente di e comision “Werkveiligheid”) a ricibi e “nota Arbowet” di Minister Paul Croes (AVP). Y despues cos a fria, te cu na 2018 Minister Glenbert Croes (MEP) a rebiba esaki y a publica diferente articulo riba e “Arbowet Aruba”. Awor den 2019 ta inicia un tripartite unda lo trata e Arbowet Aruba riba dia 29 di April. Sindicalistanan cu den pasado semper tawata papia di 1 di Mei so (dia di labor), awendia ta menciona 28 April tambe, cu ta hopi bon pa scucha.   

DTI di un of otro forma a haci esfuerso pa enforsa e leynan (anticua) existente cu un MB, cu a sali na Januari 2016, asina duna atencion na Siguridad & Salud na pia di trabou cu introduccion di e asina yama Inspectornan di Siguridad. Pero esaki no a logra haya a acogida cu a premira. Hopi doñonan di trabao cu sa cu nos leynan ta anticua, ta mal uza y haci abuso di nan personal, dor di no duna nan ekipo di proteccion of training mereci, ta laga nan trahado paga pa nan mes un proteccionnan personal. Tin cu ta bay asina leu di kita hende for di trabou pa motibo di a haña un accidente na pia di trabou y no por funciona debidamente mas.

Director di DTI, Anko Koopmans a bisa den un entrevista cu den 2018 tawatin 280 caso di accidente na pia di trabou, data ricibi di SVb. Pero esaki lo ta e punto di ijsberg pasobra den un Expo na 2004 a bisa cu tin +/- 900 caso.

Autor di e articulo aki, Glenn Rock, ta funcionario di siguridad na pia di trabou na WEB Aruba N.V. Por comunica cune libremente via email: [email protected]

Ta haci mi contento di cu pronto, ban spera cu e aña aki tin un “Arbowet Aruba” cristalisa. Na moda di minimalisa accidentenan na pia di trabou, baha gasto di seguro (AZV) y stop abuso di cierto doñonan di trabou. Asina cambia e cultura di Siguridad y Salud na pia di trabou.

Comments

comments