Despues di 7 aña a logra haya un operador pa ex Aqcua Condominiums, situa entre Palm Beach Plaza y Marriott Surf Club na Palm Beach. Minister Dangui Oduber tabata presente pa firma cu e desaroyado di e proyecto hotelero. E ta convenci cu ya danki na e confiansa den gobierno y economia cu awe a logra haya un operador prestigioso pa opera e hotel nobo aki.

Di un edificio bashi y bandona pa 7 aña largo, awor lo cambia pa un hotel di 5 strea. “Esaki ta conforme nos maneho y vision”, asina Minister Dangui Oduber a duna di conoce despues di a firma e decreto necesario di traspaso.

E hotel Radisson Blu lo ta di 5 strea, mara na un inversion di no menos cu $80 miyon y lo tin un total di 208 camber. E proyecto lo crea cuponan di trabou y stimula economia y crea mas entrada pa gobierno. E proyecto den pasado a confronta diferente obstaculo, cu a causa tardansa den su desaroyo y finalisacion.

Gobierno awor a cera un acuerdo cu e inversionista di fam Gonzalez, kende a sigura cu e si ta caba cune y cu Radisson Blu lo oper’e.

Comments

comments