Dialuna prome di April BDO na Aruba y su fundadora Cari Wolter tawata tin motibo pa celebra. Ta exactamente 12 anja y mei pasa cu e practica fiscal ( belastingadvies ) a habri su portanan , 10 aña cu e praktica di “acountancy” a subi riba mercado, exactamente 2 anja cu a bira miembro independiente di e “netwerk international” di BDO  Audit- Tax- Advisory.

Tambe a recorda cu ya caba ta 2 anja y mei cu e oficina a muda pa e edificio icónico na L.G. Smith Boulevard (“WTS-building”). E edificio a wordo construi inspira cu e elementonan y caracteristica di e estilo pionero di arte y disenjo “bauhaus” cual movimiento y skol di disenjo y arte  riba prome di april a celebra su di 100 anja di existencia.

BDO a celebra e momentonan special aki na Aruba den presencia di su clientenan, relashonnan, coleganan y amigonan den e bunita jardin di nan edificio cu recientemente a wordo bautisa cu e nomber di “WTS Building”. Ta parse manera ayera cu e companja a cuminsa 12 anja y mei pasa cu 4 persona den servicio y awe e organisashon a crese y ta conta cu 21 profeshonal riba tereno di “accountancy”  y impuesto cu na un manera praktico y personalisa ta brinda servisio na Aruba.

Pa e ocashon special aki tur e profeshonalnan di BDO Aruba a expresa nan motivashon  e “why” pa nan escogencia pa cu BDO como e organisashon unda nan kier forma parti di dje y sigui desaroya como profeshonal. Akinan, un biaha mas, e lema di BDO Global a resalta: people helping people achieve their dreams”.

E management team di BDO Aruba cu ta consisti di senjora Cari Wolter como gerente general, senjor Jamil Tromp como gerente encarga cu Accountancy  y senjor Frank Snijders como gerente encarga cu impuesto, nan ta hopi orguyoso di encabesa e team dinamico , hoben di profeshonalnan cu yen di ambishon. Nan ta spera cu hopi entusiasmo e siguiente paso di BDO Aruba na final di e luna aki mes, na unda e organisashon lo integra riba e plataforma di ICT hunto cu esun di BDO Hulanda. Pa medio di e cooperashon intenso aki, BDO Aruba lo tin acceso na entre otro base di datonan amplio di conocimiento y “best practices” di un miembro prominente den e netwerk di BDO cu ta avansa riba tereno di digitalisahon y automatisashon.  

Di e forma aki e gerensha a indica cu nan lo por sigui supera tur expectativa di nan clientela den e  mundo dinamico di negoshi. E gran acohida pa cu e celebrashon y presensha di diferente cliente y comerciantenan prominente a demostra cu BDO Aruba a gana e confiansa di e mercado di Aruba. Un palabra di agradecimento a wordo duna na tur e staff di profeshonalnan pa nan aporte y bon trabow y a vocifera e compromiso cu BDO tin cu e mercado di Aruba pa sigui brinda e miho calidad di consehonan riba tereno di impuesto y “accountancy”.

Comments

comments