Apple ta lansa e canal Apple Music TV

309

Apple a lansa di sorpresa dialuna Apple Music TV, un canal di television cu ta emiti videonan musical 24 ora pa dia y ademas lo estrena cancion, concierto y programanan special cu motibo di lansamentonan di disco, manera e proximo produccion di Bruce Springsteen “Letter to You.”

E canal te asina leu solamente ta disponibel na Merca, unda cu su proposito inicial ta compara cu e nacimento di MTV den añanan 1980, tempo cu e tabata un cadena completamente musical cu a revoluciona e industria prome cu a lansa e formato di “reality show”.E programacion di Apple Music TV ta consis di videonan musical sin propaganda, ademas di “emisionnan special, evento y conciertonan en directo,” e compania a anuncia.

EFE/PAUL BRAVEN/Archivo

E prome di e eventonan aki lo ta diahuebs, un dia prome cu Bruce Springsteen publica su album “Letter to You.” E canal lo emiti un entrevista exclusivo cu e cantante, un programa special cu su fanaticonan y un blok di videoclip continuo cu cancionnan di Springsteen.Dialuna, cu motibo di e estreno, e compania a haci un countdown cu e shen cancionnan mas scucha riba su plataforma di “streaming”.E canal musical ta un paso mas di tecnologia pa domina den e sector di servicio, tras di e estreno di otro producto manera su propio emisora di radio, su plataforma televisivo, su servicio di “streaming” musical y pronto un sistema di subscripcion riba clasenan deportivo via internet.

Ademas, cu Apple Music TV, e compania lo busca pa tin mayor representacion riba mercado di e videonan musical, te awo domina pa YouTube y Vevo.Te asina leu, ya a cuminsa na ficha streanan mundial manera Billie Eilish, kende lo estrena riba su plataforma di television un documental riba su carera, cu cual el a haci historia e aña aki den comberti den e artista mas hoben cu a gana e cuater categorianan principal di e prestigioso Grammy.