Departamento di Cultura Aruba (DCA) conhuntamente cu e Comision di Seyo Nacional di Artesania Aruba ta invita tur artesano pa haci entrega di tur material nobo cu NO tin Seyo Nacional di Artesania ainda.
Dia 1 di october 2021 lo tuma luga e siguiente evaluacion pa e aña aki, caminda e comision ta bini hunto pa pasa riba tur e criterianan necesario relaciona cu e producto pa bini na remarca pa e Seyo Nacional di Artesania Aruba.
Ta haci un yamada na e artesanonan pa entrega tur nan producto nobo pa mas tarda dia 29 di september 2021 prome cu merdia na DCA.
E proceso di aplicacion ta tuma luga na Departamento di Cultura Aruba cual por cierto a muda pa John F. Kennedy Educational Center cu ta keda na Stadionweg # 37, Oranjestad Aruba, (rotonde banda di Cas di Cultura).
P’esaki mester:
– yena e formulario di aplicacion
– mester trece un identificacion valido
– un pasfoto
– como tambe un comprobante di adres.
Pa mas informacion relaciona cu e Seyo Nacional di Artesania y tambe tocante e proceso di aplicacion por fabor tuma contacto cu nos via telefon 582-2185 of email [email protected]
Criterianan pa bini na remarca di un Seyo Nacional di Artesania Aruba ta:
• Mester ta traha na man. (No cu mashin, pero cu herment manual
senciyo).
• Autentico, Diseño Original.
• Consistencia den (re-) produccion di diseño y modelo.
• Grado di experticio (tradicional) den trahamento di e producto.
• E producto mester ta traha na Aruba.
• Grado di uzo di material local.
• Grado cu e producto ta refleha tecnica di artesania tradicional.
Artesania ta un arte caminda cu creativdad den forma di e arte y cultura ta haya bida. Ban sigui enrikece y contribui na nos productonan artesanal local. Y aporta nos industria creativo.
Ta danki na nos artesanonan cu mas y mas nos tin obranan artistico local y di Aruba mes.
Cultura nos mester bib’e.
