Aplauso den misa pa boluntarionan di Freewinds

522

Ministerio di boluntario di Freewinds  y e Cuerpo di Bombero Aruba ta trahando hunto pa mas di dos luna caba pa yuda combati e plamamento di Covid-19 y prepara nos isla pa reapertura di turismo. Como parti di e trabou aki nan a yuda desinfecta 10 misa sabiendo e importancia clave cu religion tin den un sociedad, specialmente den e temponan dificil aki. Como muestra di gratitud Pastor Rafel Cananea a invita e boluntarionan di Freewinds y e Cuerpo di Bombero na Misa Santa Teresita di Nino Jesus na San Nicolas.

A extende e invitacion dor cu e boluntarionan y e Bomberonan di Aruba a desinfecta e misa aki pa proteha e fielnan contra Covid-19. Durante di misa Pastor Cananea a haci e siguiente anuncio “Un danki special ta bay pa e Ministerio di Boluntario di sciensologia di Freewinds cu a yega aki y a desinfecta e misa cu D7, Hopi danki!”

Loke ta importante den e temponan aki ta pa mantene siguridad dor di aplica accionnan preventivo manera desinfecta, mantene distancia social y labamento di mannan pa preveni cu Covid-19 ta plama.

E ministerio boluntario di Freewinds y e cuerpo di bombero ta trahando como un ekipo desinfectando scolnan, centronan di comunidad, casnan di anciano y esunnan descapacita, Wardanan di Polis, etc, cubriendo mas di 1.125.000 pia cuadra di espacio. Solamente door di traha hunto y sigui e guianan pa preveni e plamamento di e enfermedad nos por sigura cu e isla ta keda sigur, comercio ta keda habri, turista ta sigui yega na nos isla y nos isla por lanta cabes atrobe. Asina e economia di Aruba por recupera.

Pa haya sa mas forma con pa preveni plamamento di e virus y keda sano sea na cas, na scol of na trabou, por subi e website www.scientology.org/staywell.