Apesar di e contacto no ta diario, Portuguesnan semper ta keda den contacto cu otro

Dia 10 di Juni tabata un dia grandi pa e comunidad Portugues, ya cu nan a celebra Dia di Portugal. Nan a sa di celebra nan Dia Nacional den Wilhelmina Park, cu un ceremonia masha bunita cu baile y canto Portugues.

ADV

Minister y Parlamentarionan a haci acto di presencia na e dia special aki, ilustrando asina e hermandad cu Aruba tin cu e comunidad Portugues.

Nos a combersa cu docente Olivia Goncalvez de Freitas, kende ta yiu di migrantenan Portugues cu a bin for di Madeira hopi aña pasa pa establece nan mes na Aruba.

 

Apesar di e contacto no ta diario, Portuguesnan semper ta keda den contacto cu otro

Apesar di e contacto no ta diario, Portuguesnan semper ta keda den contacto cu otro. Click link pa mas https://24ora.tv/2XEKhca

Posted by 24ora on Tuesday, June 11, 2019

E ta considera no solamente su mayornan, sino tur esnan cu a bin for di Madeira of cualkier otro pais, bin establece na Aruba, e ta hayanan heroe.

Pakico heroe?

E no ta facil bo bin establece na Aruba, un pais asina leu di Portugal, asina leu di Madeira, sin internet, sin e facilidadnan manera nos tin awendia. Un carta tabata tarda dos pa tres luna prome cu e mayornan di Goncalvez por a tende di nan. P’esey Goncalvez ta considera nan heroe.

Pakico nan a bin Aruba?

Nan a bin pa busca un miho porvenir pa nan famia. Nan famia tabata hunga un rol grandi y nan a bin Aruba, un isla trankil, unda nan a traha duro. Tur di nan a logra algo. Goncalvez no tin negoshi, pero awe e ta un docente di scol. Su mama tabata hopi orguyoso, di no solamente lant’e, sino tur su otro 9 rumannan. Cada un di nan a logra bin na algo den nan bida na Aruba.

Si e papia di su mes, e ta papia di tur otro Portugues, cu sacrificio, honrades, positivismo, nan a logra asina hopi riba e pida baranca aki, cu un curason noble. Esey Goncalvez ta haya hopi bunita.

Asina leu pero toch cerca

E lasonan estrecho a keda. Na Aruba nan a lanta manera ruman so. No tabata tin tanta, no tabata tin omo, no tabata tin primo ni prima. Esey tabata duro. Pero toch e contact, apesar cu no tabata tin internet, no tabata tin social media, toch tabata keda cu contacto, ora cu un ruman bay eynan of un famia bay eynan, semper ta manda un regalito, semper ta keda cu e contacto.

Ora cu a bira grandi y cuminsa traha, tabata e dia mas feliz, ora cu Goncalvez a bay Madeira conoce su hendenan.

Comments

comments