Apesar cu por bisa cu e casonan di COVID-19 a baha te cu 148, toch nos tin di bisa cu pa awo e virus di COVID-19 no lo disparce y e yabi den e pandemia aki ta pa controla e cantidad di contagio of transmision pa preveni cu e cantidad di casonan ta subi demasiado den un corto tempo.
Te asina leu, segun e resumen di awe, un total di 31 persona mas a recupera, tin un total di 15 caso nobo di Covid-19, di cual tur uno ta no-residente, (“positivity rate” bou residente ta 9%). Total di testnan haci ta 295, testnan haci bou di residentenan na laboratorio di hospital ta 159. E total di casonan di fayecimento relaciona cu Covid-19 ta 36.
Hospital ta informa cu tin un total di 11 persona interna di cual 3 den Cuido Intensivo y 8 ta isola riba piso general.
Cifranan di casonan positivo hunto cu e “positivity rate” ta bahando, dunando indicacion cu e transmision ta sosodiendo riba un forma limita y manehabel. Esaki sigur ta un hopi bon señal. Danki na e esfuerso di cada uno di nos aki na Aruba nos ta logrando.
Pa por sigui controla Covid-19 ta importante pa comunidad ta alerta y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
Ban sigui cuida y practica disciplina consistentemente. Aruba ta conta cu bo pa sigui controla e virus di Covid-19. Uni nos lo Vence!
