Diabierna, 6 di december tabatin e apertura oficial di “5 O’Clock Somewhere Bar & Grill by Margaritaville” na Renaissance Marketplace.
Normalmente ta tene Happy Hour riba diabierna atardi 5’or, sinembargo awo na Aruba e happy hour ta cada momento di dia. E concepto di Margaritaville ta duna nos e “excuus perfecto” pa celebra happy Hour tur dia. Na “5 O’clock Somewhere Bar & Grill”, bon musica, snacknan delicioso y bebidanan mixto perfecto ta wordo ofreci. E bar trendy y rustico ta un luga ideal pa grupo di amigo por sinta relaha y disfruta di un atardi of anochi.
E area di “Meet & Greet” riba e isla a habri dia 6 di december cu musica en vivo di Honey Pot pa exactamente 5’or di atardi. Di acuerdo cu Carlton Ho Sing Loy, manager di 5 O’Clock Somewhere Bar & Grill manager, esaki ta bay bira “e luga ideal” pa topa cu amigonan despues di trabou y relaha. “Hopi di nos ta pone nos bida social na di dos luga. Cu e bar aki nos kier duna tur hende un motibo pa relaha y socialisa tur dia. Y esaki, den un ambiente trendy cu musica en vivo, e miho cocktailnan y snacks den centro di ciudad,” Ho Sing Loy a bisa.
Un menu excitante y delicioso
5 O’Clock Somewhere Bar & Grill su menu ta ofrece un variedad di entradanan popular manera Chicken Wings, Tequeños, Ceviche di Seafood, Empanada di galiña y pronto loke ta bay bira masha famoso e “Aruban Cuban”. E ta un delicioso hamburger, yena cu hopi Black Forest Ham y pork, sirbi cu banana chips.
E bishitantenan tambe por disfruta di platonan manera “Jalea Mixta”, un mescla di seafood hasa y e berdadero Keshi Yena Arubano.
Loke definitivamente ta hala atencion ta e cocktailnan y den esaki tambe tin un variacion basta bon. E cliente por scoge entre Margarita, bebidanan frozen y bo cocktail faborito of mix drinks. Sigur lo bo tin un bon motibo pa bishita “5 O’clock Somewhere Bar & Grill” tur dia; riba dialuna ta Margarita Monday; diamars e ta Tito’s Tuesday cu wings henter dia pa solamente 1 dollar; diaranson e ta Wing It Wednesday; despues ta sigui Throwback Thursday ora cu tin musica di “Back to the 80’s”; riba diabierna tin diferente oferta entre 5’or di atardi y 7’or di anochi manera Balashi y Chill for di mashin pa unicamente $ 4, pero tambe biñanan di cas pa $ 5 y un seleccion di Margarita y cocktail; riba diasabra lo tin e “Who’s to Blame” na 6 dollar; y diadomingo 2 cerbes bon friu ta bay na prijs di un.
E lo ta semper 5 o’clock den oranan di merdia
5 O’clock Somewhere Bar & Grill ta un concepto inspira pa e cantante, compositor y songwriter Jimmy Buffet y ta mantene e estilo di Margaritaville unda semper ta 5 o’clock di atardi. E bar rustico den aire liber, localisa den curason di Renaissance Marketplace, lo ofrece pasa boca na bar, cocktailnan dushi y hopi musica. Tur dia Happy Hours entre 5’or y 6’or di atardi, pero tambe mas laat entre 10’or y 11’or di anochi. Bishita nos riba www.facebook.com/5somewherearuba.com pa mas informacion y sigui nos riba @5somewherearuba. 5 O’Clock Somewhere Bar & Grill lo ta habri tur dia for di merdia te cu mey anochi den curason di Renaissance Marketplace.
