Djaluna último a tuma lugá apertura di e 39e Konferensha General di UNESCO kaminda Kòrsou ta partisipando ku su propio delegashon. E delegashon ta konsistí di Minister Marilyn Alcalá-Wallé, Sekretario General di Ministerio di Enseñansa, Siensia, Kultura i Deporte, Sekretario General di UNESCO Kòrsou i Minister Plenipotensario Anthony Begina.
Riba e promé dia di apertura a elihí e presidente dje konferensha Embahador sra. Zohour Alaoui di Maròko. Ku mas ku 30 aña di eksperensia diplomatiko, Embahador sra. Zohour Alaoui a tra hopi estrecho ku Nashonan Uní.
Despues di esaki Kòrsou a reuní ku un delegashon di e Instituto Internashonal pa Planifikashon den Enseñansa i tambe ku Dr. Mechtild Rössler, direktor Sentro di Patrimonio Mundial, riba entre otro Willemstad ku ta riba lista di Patrimonio Mundial di UNESCO.
