Anselmo Pontilius: No pasobra tin crisis e leynan no ta conta

803

Mediador di Gobierno Anselmo Pontilius a sinta na mesa diahuebs hunto cu sindicato Federacion di Trahadonan di Aruba (FTA) y representante di Cool Casino pa e problema cu a surgi encuanto pago di salario di trahadonan.

Mediador a splica cu a logra clarifica varios punto, cu tabata na discusion, pero mientrastanto e empleadonan a haya salario por medio di subsidio di salario paga door di SVb. E caso di Excelsoir Casino ta un poco diferente. Eynan e compania ta den proceso di bancarota. Empleadonan a manda un carta pa SVb pidiendo pa pago di nan cessantia.

Trahadonan di AAA duna confiansa bek na STA, a bay cas bek

Trahadonan di AAA duna confiansa bek na STA, a bay cas bek. Click e link pa lesa mas https://24ora.news/3gzD5bu

Posted by 24ora on Thursday, May 28, 2020

Den e periodo aki tambe Mediador a haya peticion pa tene dos referendum, di cual uno ta na Little Switzerland y e otro na Eagle Beach Hotel & Casino. Ambos referendum ta pidi door di FTA y por a compronde, cu den curso di otro siman lo pidi dos of tres referendum na otro compania mas, tur relaciona cu e problemanan cu a surgi cu derecho di empleadonan den e tempo di crisis aki.

E rol di Mediador principalmente den e tempo di crisis aki ta amplio. Por ehempel, Pontilius a splica, e siman aki nan a sinta na mesa cu gerencia di hospital y sindicato ABV, pa mira si mester entrega y unda tin posibilidad pa entrega, si ta directamente den salario of den beneficionan secundario. Of propone un salida cu e partidonan ta mira.

E situacion actual ta hopi dificil y Mediador ta bisa “si bo ta pensa cu aworaki tin espacio pa mehoracion, bo ta gaña bo mes.” El a sigui bisa cu e prome tarea ta pa mantene mas tanto cupo di trabou y di otro banda, dunadonan di trabou no mester pensa cu pasobra tin un crisis “nos leynan laboral ta benta den bari di sushi. No por lanta mainta y viola leynan existente y si trahadonan bay Corte nan ta para bo. No ta pasobra tin un crisis ta nifica cu no tin leynan existente. Mester tin hopi trankilidad entre dunado di trabou, trahado y sindicatonan.”