Anouk Balentina: No ta compronde pakico ta insisti sigui uza dump Parkietenbos

582

E ciudadano cu ta bin dilanti den e lucha di habitantenan di e barionan rond di dump di Parkietenbos ta Anouk Balentina. Esaki ta e motibo cu el a bay Corte pidiendo pa pone un stop na operacion di dump cu ta afectando tur esnan den e area ey, principalmente na momento cu e biento cambia di direccion.

Tin periodo cu pa simannan largo mester soporta e holo desagradabel cu nan ta haya di dump. Esaki a pone cu a yega momento pa pone un fin di siman. Como cu no ta hayando un decision di Gobierno di Aruba, a dicidi di cana e caminda legal.

Anouk Balentina: No ta compronde pakico ta insisti sigui uza dump Parkietenbos

Anouk Balentina: No ta compronde pakico ta insisti sigui uza dump Parkietenbos. Click link pa mas https://24ora.news/31OF4Sz

Posted by 24ora on Thursday, August 13, 2020

Den e bataya aki Hues a dicidi cu e ta bay tira un bista na e sitio pa mira pa su mes kico tur ta pasando. Y inclusive un bishita na cas di Anouk Balentina. E ciudadano a comenta na final cu el a haya masha remarcabel cu e ultimo dianan tabatin yen di movecion banda di dump, manera un limpiesa.

E ta sinti tambe cu loke cu e Hues a sinti y mira awe kisas no tabata loke normalmente cu e ciudadanonan ta pasa aden, pasobra e biento tabata diferente di loke ora e ta causa problema.

Tabatin varios funcionario halto di e diferente departamentonan cu ta cay bou Ministerio di Infrastructura y Medio Ambiente di Minister Marisol Lopez Tromp. Sinembargo e ta lamenta cu no tabatin hendenan di DVG, ya cu ta trata aki di un problema cu tin di haber cu salud. Mi ta haya esaki lamentabel. Tabatin hendenan di un Ministerio so, siendo cu e operacion di e incinerator tin di haber cu Minister di Husticia cu mester duna e Hindervergunning.”

Hues a cuestiona tambe cu a haci testnan di ocho ora largo sin e Hindervergunning. Director di DOW a bisa cu esaki a sosode cu permiso di departamento di Directie Wetgeving en Juridische Zaken. Esaki ta hay’e ilogico cu esey ta sosode. “Cosnan ta bay hopi robes y ciudadanonan mester cuminsa lanta for di soño y no laga nan hunga wega cu nos.”

Hues a bay na cas di Balentina pa midi e direccion di biento, cu normalmente ta bini di Oost pero cu ta cambia pa temporada, causando hopi molester. Riba di PAHO ta bisa cu e area aki ta uno peligroso pasobra tin aeropuerto y a bisa cu mester ser’e mesora. E no ta compronde di con e ora toch a pone e incinerator na e sitio bek.

Despues a bay na EcoGas, unda a haya informacion cu 98% di desperdicio por procesa nan den e bailsnan na Sero Teishi. Ta keda 2 porciento cu ta cadaver y desperdicio medicinal (material kimico y radio activo). Den e sistema aki ta core rond cu e material y trece dump.

Na final no por a haya contesta pakico ta insisti cu mester sigui cu operacion na e sitio ey cu ta un molester pa e bario.