Angel Bubu Croes haya morto den cas

Diahuebs anochi, alrededor 8:00 pm, polis a presenta den Maria Christinastraat p’un caso no mucho bunita. Maria Christinastraat 24 t’e adress unda cu bisiña a topa cu un meneer di edad morto den su cas. Ta trata aki di Angel Bubu Croes, un homber di setenta aña. E bisiñanan a sinti su falta, mirando cu tur dia e ta pasa na su bisiña pa come un pastechi y dal un cop’i koffie, pero ayera tabata otro.

Habitantenan a sinti falta di nan bisiña: Despues di hopi ora a top’e den cas

Posted by 24ora on Thursday, May 6, 2021

A topa cu fan cendi den camber y e homber band’i un cashi, segun e bisiñanan. Varios bisiña a conta cu for di algun dia caba Bubu tabata sinti su curpa malo y a conseh’e pa bay dokter, pero parce e no a bay.

Ambulance a presenta, pero no por a haci nada p’e. Dokter Texier a constata morto y e proceso di investigacion a cuminsa pa saca afo si ta morto natural of no, p’esey tanto recherche, como team forensico a presenta na e sitio.