Coremento sin rijbewijs y sin seguro tambe ta un problema cu polisnan ta constata diariamente. Alto Comisario Andrew Hoo, a splica cu esey mester bay door di concientisacion. Tin cu haci hende conciente cu e ta contra ley. Ora e autonan wordo para, cu tin chauffeurnan ta sin rijbewijs, nan no mester haya boet. Bo ta bay haya keho tambe cu rijbewijs tin un wachtlijst masha largo mes. Ora pasa pa pidi pa fecha di examen, ta haya un dia hopi leu. Esey tin atencion di cuerpo. Ta trahando riba esey pa remedia e situacion. Muy pronto lo soluciona e problema di e parti di examen di rijbewijs tambe.
Proceso di core sin seguro
Coremento sin seguro tambe a lanta cabez. Un di e problemanan ta, cu tin e plachi number cu e mesun color. Den pasado control tabata mas facil a base di color di plachi. Segun Hoo, mester bin un distincion entre e number di autonan. E color tambe ta hunga un rol grandi. Den pasado e tabata yuda polis hopi ora di haci control. E ta sobresali cu ora e plachi no ta cuadra cu e aña, vooral na e color. Den paisnan grandi, manera Merca, nan no ta cambia e number, pero e no ta mara na un aña. Ta haya un sticker chikito cu ta keda plak’e riba e plachi di number y no riba windshield. Tin diferente manera cu por bay over na dje. No ta depende di polis so, pero tambe departamento di impuesto y tambe gobierno tin cu dicidi con lo bay hunto soluciona esaki. Den opinon di Hoo, si keda cu e nummerplaat bieu, e ta haci e trabao di polis tiki mas dificil pa por controla e autonan for di un distancia. Unless cu ta core nan tras y haya un otro manera pa controla e number. Pero riba un bista, e ta dificil.
Polis ta haci e control
Hoo ta indica cu tin consehonan ta bay regularmente na e otro departamentonan. Tambe tin reunionnan unda cu ideanan ta wordo intercambia.
