Andre Domacasse a gana auto nobo cu Partido MEP

Diasabra atardi Partido MEP y Fundacion Ir. Cesare Terzano (ICT) a entrega yabi di e auto Hyundai EON cu nan a rifa dia 23 di juni ultimo. E ganado a resulta Andre Domacassé. Na e ocasion aki lider di MEP, mr. Evelyn Wever-Croes a felicita e ganado y a dese’e tur clase di exito cu su auto nobo. Alabes el a gradici tur persona cu a haci e rifa aki asina exitoso.

Di e forma aki Partido MEP semper a acerca e pueblo pa contribui cu rifa di auto pa por genera fondo pa e organisacion politico. Dia 28 di september proximo lo tin un otro rifa di un auto organisa pa MEP y ICT, pa cual ta pidi votadonan, sostenedonan y siguidonan pa ta pendiente pa por aporta cu un rifa. Por lo menos un hungado lo tin chens di gana un auto nobo mientras cu partido ta genera fondo pa cubri gastonan di operacion.

Tocante Partido MEP:

Gilberto F. “Betico” Croes a funda Movimiento Electoral di Pueblo (M.E.P) dia 9 di Februari 1971. Lidernan desde su fundacion tabata Gilberto F. “Betico” Croes, Nelson O. Oduber y Evelyne Wever-Croes. A participa 17 biaha den eleccion. Record maximo di voto: 25,172 (2001) y Record minimo di voto: 8095 (1973). Den e ultimo eleccion na September 2017, Partido MEP a logra 22,061 cu tabata bon pa 9 asiento den Parlamento. Nan ideologia ta Social democrata.