Andin Bikker: Mi a cumpli cabalmente cu e tiradonan di pisca

585

Ayera den Conseho di Minister a tuma un decision den cual mayoria a dicidi cu ta introduci un maneho di tolerancia, bou di condicionnan estricto. A pone un fecha pa dia 20 di october 2020 cu lo mester tin un proposicion di ley presenta na parlamento. Cu esaki Minister mr. Andin Bikker ta haya cu a cumpli cu e peticion y demanda di parlamento. Desde dialuna awo piscadonan lo por cuminsa aplica online pa haya un permiso pa pisca cu harpun.

Banda di esey, den 3 luna mas o menos, minister Bikker ta spera di por ta cla cu e ley mes pa reemplasa e maneho di tolerancia. pa esey huristanan di gobierno ta trahando masha duro mes pa por keda cla cu e proceduranan legal pa esaki. Pero, cu entretanto piscadonan por cuminsa pisca sin problema, asina cu nan haya dicho permiso den cuadro di un maneho di tolerancia, adelantando riba e cambio di ley.