Andin Bikker: Aunke tin cierto incidente e maneho ta surtiendo

Den conferenia di prensa e mandatario a splica cu Ministerio di Husticia si tin un maneho. Esey ta e diferencia cu e minister anterior, kende no tabata tin un maneho segun minister Andin Bikker.

Seis pa shete pagina e ex minister ta bin cun’e parlamento pa pidi aprobacion di su presupuesto pa mas di 200 miyon. Den e caso aki si nan tin un maneho integral con ta bay reduci criminalidad. Por a constata tin cierto incidentenan, pero e maneho poco poco ta surtiendo. Den ocho luna apenas, Bikker no por reverse di loke a pasa y no a bin un maneho integral den ocho aña.

Minister Andin Bikker: Uza mas carchi di banco en bes di placa efectivo!

Minister Andin Bikker: Uza mas carchi di banco en bes di placa efectivo!

Posted by 24ora on Tuesday, July 31, 2018

E aspectonan di mas visibilidad riba caya y tambe polis den bario y mas aspecto tecnologico manera awor aki e radar, e helicopter cu ta bin rapidamente, cu lamentablemente tur dos tabata tin caba y e minister no sa kico por tabata e motibo cu ex minister Dowers a bay over pa elimina e radar y e helicopter. Awor aki nan ta wordo reintroduci, pero e ta tuma un tiki tempo. Aunke cu ya caba ta wak e resultadonan. Pa ora cu reintroduci e radar, e helicopter, aumenta visibilidad riba caya y otro aspectonan tecnologico, nan ta un mas mas leu.

Un cos hopi importante ta, y den consulta cu e Asociacion di Bankeronan, pa promove cu bo ta paga cu menos efectivo. Una bes mas hende bay paga cu pin y purba di kita e fees nan tambe, pa ora e bay di un banco pa otro. Por ehempel na Hulanda, ora cu paga cu pin na un mashin di otro banco, no tin costo. Tambe aunke cu e producto ta costa manera 3 euro, of den nos caso florin, por paga cu pin.

Aki na Aruba tambe ta promove esey, pasobra menos cash tin den un luga, menos incentivo tin pa un persona cu tin menos bon intension, pa bay drenta den e luga ey. Loke e por gara ta masha poco mes. Esey tambe ta cosnan cu a traha den otro paisnan. E minister ta basa su mes riba maneho cu ta efectivo den reino Hulandes. Por ehempel na un ciudad manera Rotterdam, caminda cu e indice di criminalidad a baha. Un ciudad cu tin por lo menos 650 mil habitante, compara cu Aruba di 120 mil. Nan tambe tin fronteranan habri y a logra di baha e indice di criminalidad, caminda cu e ta bao di loke cu Bikker a topa na momento cu Dowers a bandona su cartera.

Ta cosnan cu ta proba y te cu na Hulanda awor aki ta cerando prizonnan. Of nan ta huurnan cu Norwega. No mester inventa e wiel di nobo, djis wak kico ta efectivo. Pasobra nan leynan ta similar cu di nos. E ora por haci uzo di cosnan cu ta traha bon den Reino Hulandes pa aplica nan aki.