Riba 1 mei 1890 a celebra en grande pa prome biaha DIA DI OBRERO cu demostracion grandi pa por yega na loke nos conoce awendia como 8 ora di trabou pa dia. E demostracionnan aki a tuma luga den paisnan mane Francia, Oostenrijk-Hongarije, Italia, Spaña, Belgia, Hulanda, Dinamarca, Norwega, Zweden y Merca. E Inglesnan un demostracion enorme riba e prome diadomingo di mei. Den diferente paisnan Europeo e demostracionnan a termina den confrontacion cu Polis.

Na Merca si e demostracionnan aki tawata exitoso unda cu a conoce introduccion di 8 ora di trabou pa dia, mientras cu den cierto rango di trabou a introduci e 9 ora di trabou pa dia.

Durante e congreso di e Segundo Internationale na aña 1891 a wordo dicidi pa haci e Dia di Obrero un tradicion anual. Segun e congreso esaki tin 3 meta:

– Lucha pa logra introduci 8 ora di trabou pa dia;

– Lucha pa otro derechonan laboral

– Mantene paz

E derecho di un obrero a conoce hopi cambio desde introduccion di e Dia di Obrero. Nos mester tuma un rato y para keto y reflexiona riba tur e derechonan cu nos ta disfrutando di dje awendia y alavez kico tur por wordo adapta y mehora pa nos Obreronan.

Riba e dia aki mi ta manda un palabra di pabien pa tur nos OBRERONAN na Aruba pa a yuda y ta sigui yuda na construccion di nos dushi pida baranca cu nos ta yama Aruba.

Comments

comments