Anchelino Vrolijk: Ban recorda esnan cu a sacrifica nan bida pa nos libertad

Awe ta un dia cu Hulanda y otro parti ta celebra libertad. Hulanda ta celebra awe bevrijdingsdag pero kiko esaki ta ensera?

Anos na Aruba ta biba riba un isla bendishona unda cu nos ta liber pa expresa nos voz. Nos voz no ta wordo domina door di e mandatarionan. Ademas di esaki nos bida no ta wordo menasa door di un guerra o conflicto interno. Nos bida no ta wordo menasa door di un grupo terrorista.
Nos ta liber pa move full rond di Aruba, y cana liber. Nos no ta limita door di un muraya cu ta separa p.e. San nicolaas cu oranjestad for di otro unda cu bo mester di pas special pa por move entre e dos lugarnan aki.
Dus awe ban para keto un rato y duna honor na tur esnan cu a perde nan bida bringando pa nos libertad di awe. Pa esnan cu a wordo sacrifica pa bringa guerranan pa asina nos por ta liber. Esnan cu a sacrifica nan mes pa asina para pa nan derecho pa por ta liber.
Danki na tur esnan cu a hasi cu awe mi por biba den un mundo liber y cu mi mes por dicidi mi propio rumbo den bida.
Den esaki mi tin cu quote Betico Croes (den felis memoria) su palabranan, “un pueblo cu no ta liber, ta un pueblo infelis.”
Sigur Aruba tambe a hunga un rol importante den tempo di Segunda Guerra Mundial unda cu e refeneria Lago tawata produci combustibel pa e avionnan di e aliadonan.
. Ban recorda esnan cu a sacrifica nan bida pa nos Libertad. Felis 5 di mei……..